Вчера 93 возачи не пропуштиле пешаци на пешачки

Министерството за внатрешни работи соопшти дека во текот на вчерашниот ден во периодот од 13 до 18 часот на територијата на државава спровело засилена акциска контрола за санкционирање возачи кои не пропуштаат пешаци на пешачки премин, односно не ги почитуваат обврските како возачи.

При контролата, како што информираат од МВР, санкционирани се 93 возачи.

Од МВР посочуваат дека продолжуваат со засилените акциски контроли и апелираат возачите секогаш да ги пропуштаат пешаците, односно да ги почитуваат сообраќајните правила и прописи, а пешаците да ги почитуваат сообраќајните правила и прописи и да го минуваат коловозот на обележан пешачки премин, затоа што непочитувањето на сообраќајните правила ќе биде санкционирано.

-Сите заеднички, со почитување на правилата, да придонесеме за побезбедни сообраќајници, потенцираат од МВР.