„Вардарки“ декласирани во Мец

Дури со 14 голови разлика загуби македонскиот првак ЖРК Вардар во Лигата на шампионките од францускиот Мец, 42-28 што е вистински дебакл за нашиот претставник кој со овој пораз го загуби лидерското место во првата група.

Иако киксира и ФТЦ кој играше само 29-29 со Турингер сепак тоа беше доволно за првото место за Унгарките.

Вардарки беа анемични како никогаш досега и со тоа покажаа дека се наоѓаат во криза. По поразот од Будуќност, нашиот шампион против Мец изгледаше како тим кој прв пат игра заедно.

Така не изгледаше во почетниот дел од мечот бидејќи македонскиот тим имаше водство од 8:5, но, тренерот на домаќините Мајонаде побара тајм-аут кој се покажа како клучен. Мец направи серија од пет едноподруго погодоци и дојде до водство од 10:8. Францускиот тим остана на истина висина со својата игра, па така на полувреме водеше со 19:16.