Вардарци веќе утре на мегдан против Татран Прешов

 Македонскиот ракометен првак Вардар утревечер го пречекува Татран Прешов во дуел од регионалната СЕХА лига.Тренерот на „црвено-црните“ Раул Гонзлаес одлучи тимот денес да на тренира поради напорното гостување во Полска. 

 

- Ова сезона Татран е многу добар. Има силна одбрана и тоа го докажа на претходните натпревари. Ние денеска се вративме од Плоцк и поради тоа им дадов слободен ден на играчите. Нема да тренираме, бидејќи знам дека се многу уморни. Утре ќе се подготвуваме тактички со помош на видео снимки. Утре ќе имам и целосна слика за здравствениот билтен и ќе одлучам со кој состав ќе настапиме. Фаворити сме, ама не треба да се опуштаме, изјави Гонзалес на денешната прес-конференција.

 

Ова ќе биде четврти натпревар за двата тима, Вардар има максимални три победи,Татран две победи и еден пораз. Продолжување на победничката серија очекува капитенот Стојанче Стоилов.

 

- Сезоната до сега се одвива како што очекувавме и како што се надевавме. Имаме три победи во СЕХА и една во Лигата на шампионите остварена вчера. Се надевам дека така ќе продолжиме. Во првите три кола Татран покажа дека може да биде незгоден противник, но ние сме Вардар европски шампиони, играме дома и треба на теренот да покажеме зошто сме фаворити, потенцира Стоилов.

 

Натпреварот се игра утревечер од 20:45 часот во СЦ „Јане Сандански“ во Скопје