Вардар со убедлива победа на гостувањето во Загреб
Екипата на Вардар синоќа славеше убедливо на гостувањето кај ППД Загреб со 18:27 (6:14) во првиот дуел од осминафиналето на ракометната Лига на шампиони. По вечерашната победа во „Арена Загреб“, „црвено-црните“ веќе се со една нога во четвртфиналето.
Вардарци беа расположени за игра, а резултатот од +8 на полувремето го покажа токму тоа. Домаќините се обидуваа да го сопрат налетот на македонскиот тим, но сепак немаа лек за добрата игра Криштопанс, Карачиќ, Дибиров, Мораеш…
Предноста продолжуваше да расте во второто полувреме, а во 50-та минута од мечот таа беше двоцифрена (15:25). До крајот тимот од Загреб успеа да ја намали таа разлика на -9 (18:27), но по овој резултат неможат да очекуваат чудо и пласман во следната фаза.
Најефикасни кај „црвено-црните“ со пет погодоци беа Криштопанс и Карачиќ, а четири имаше Мораеш. Милосављев на голот се истакна со 14 одбрани.
Во редовите на домаќините се истакна Мандиќ со пет гола.
Реваншот ќе се одигра по седум дена во Скопје.
Ново на Сител
-
Владата обезбедува прочистувачи на воздух за 49 општини
-
Меморандум за соработка потпишаа директорот на АД ЕСМ и деканот на ФИНКИ
-
Продолжен рокот за пријавување на јавниот повик за ангажирање 400 пожарникари
-
МОН: Студентските домови етапно се реконструираат, студентскиот стандард значително се подобрува
-
Приведен 44-годишен кумановец, се заканувал на полициски службеници и носел остар предмет
-
65-годишна жена измамена преку социјална мрежа за сума од 6.700 евра
-
До крајот на месецов треба да биде познато какви мерки би се донеле за зголемувањето на цените
-
68-годишник од Скопје измамен од женско лице за сума од 48.875 денари