-->
-->
Вардар - Копенхаген е меч од висок ризик
-->
Првиот натпревар од третото предквалификациско коло за Лигата на шампионите меѓу македонскиот првак Вардар и данскиот Копенхаген, кој ќе се игра во Скопје, е прогласен за меч од виско ризик.
Ова меѓу другото пишува во соопштението кое го објави ФК Вардар на својата официјална интернер страна, а во кое вардарци апелираат гледачите да дојдат на стадион најдоцна до 19:30 часот, кога има наредба од УЕФА да се затворат вратите на арената „Филип Втори“.
„Натпреварот Вардар - Копенхаген е прогласен за меч од висок ризик. Ги молиме сите кои ќе присуствуваат на стадионот, да стигнат порано за да се избегнат големите гужви на стадионот. Вратите на стадионот ќе бидат отворени од 18 часот, а по наредба на УЕФА ќе треба да се затворат во 19:30 часот. Исто така Ве замолуваме да не носите со себе чанти, тврди предмети, парички, запалки, во спротивно ќе Ви бидат одземени на самиот влез на стадионот“, пишува во соопштението на ФК Вардар.
Билетарницата на арената „Филип Втори“ за оние кои не набавиле влезници ќе работи денеска и утре од 12 до 19 часот.
Имателите на влезници со блоковите 1, 2 и 3 на јужната трибина, како и оние кои ќе имаат карти за западната трибина ќе влегуваат на влезот меѓу јужната и западната трибина. Оние кои поседуваат билети со блоковите 4, 5 и 6, влегуваат на спротивникот влез, односно помеѓу јужната и источната трибина.
Натпреварот Вардар – Копенхаген ќе се игра во вторник со почеток од 20 часот.
-->
-->
-->
Ново на Сител
-
Ќе се прегласува во Желино - ДИК прифати приговор на коалицијата ВРЕДИ
-
Тема на денот со Игор Александров, македонска заедница во Австралија
-
ДИК одлучува по 27 приговори на парламентарните избори поднесени од „ВРЕДИ“, ВМРО-ДПМНЕ, СДСМ и Левица
-
Странците уживаат во гастрономските приказни
-
ДИК одлучува по 28 приговори на парламентарните избори поднесени од ,,ВРЕДИ‘‘, ВМРО-ДПМНЕ, СДСМ и Левица
-
Силјановска Давкова: Македонија е мое лично право на самоопределување
-
Министрите контра експертите за заклетвата на Силјановска Давкова
-
Експертите предлагаат со закон да се обезбеди континуитет на веб страните на институциите