Ван Ромпој: Без влез во ЕУ можна е граѓанска војна на територија на поранешна Југославија | Сител Телевизија
Балкан
22. April 2018 - 13:59

Ван Ромпој: Без влез во ЕУ можна е граѓанска војна на територија на поранешна Југославија

Поранешниот претседател на Европскиот совет, Херман Ван Ромпој во емисија на Франс 24 предупреди дека се можни немири во регионот од поранешна Југославија без интеграција во ЕУ.

Како што јави дописникот на МИА од Брисел, Херман Ван Ромпој, кој е поранешен премиер на Белгија и претходник на Донал Туск во Европскиот совет, во интервју за француската телевизија беше прашан за отпорот на западните земји членки кон проширувањето и препораката на Европската комисија да се отворат преговори за членство со Македонија и Албанија.

- Одамна се зборува за „замор“, но, знаете, станува збор за мир на Западен Балкан. Европската унија е мировен проект и доколку земјите од поранешна Југославија не станат дел од европското семејство, на еден или друг начин, некои како членки, а други преку придружни договори, тогаш граѓанска војна може повторно да избие во тие земји, одговори Ван Ромпој.