Валандово доби Дневен центар за деца со пречки во развојот
Министерот за труд и социјална политика, Диме Спасов и градоначалникот на општина Вaландово, Николчо Чурлиновски го отворија првиот Дневен центар за деца со пречки во развојот во Валандово.
„Министерството за труд и социјална политика во соработка со Општина Валандово изнајде средства со инвестиција од 1.500.000 денари да го отвориме овој дневен центар. Од сега па натаму децата со пречки во развојот ќе имаат постојана грижа, ќе имаат можност да напредуваат и развијат своите способности. Ќе имаат поддршка од дефектолог и од стручните лица од Центарот за социјални работи од Валандово, поддршка за напредок и развивање за нивна социјализација и дружење во рамки на овој дневен центар”рече Спасов.
Целите на Министертсвото за труд и социјална политика, како што изјави Спасов, се континуирано да се развива мрежата на Дневни центри за деца и лица со пречки во развојот се со цел во секоја општина во Република Македонија да се создадат еднакви можности за сите за згрижување на најранливата категорија на деца, децата со пречки во развојот.
“Би сакал да му честитам на градоначалникот за неговата поддршка и разбирање и општината да се вклучи со финансиски средства за опремување на објектот за со заедничка инвестиција на Министерството за труд и социјална политика и општината да го отвориме овој Дневен центар” истакна Спасов и посочи дека министерството и понатаму ќе продолжи со континуирана грижа за оваа категорија на граѓани, со континуирано зголемување и подобрување на услугите кои ги нудат центрите за социјална работа така и со реализација на паричните помошти насочени за оваа категорија на лица.“
Градоначалникот Чурлиновски истакна дека капацитетот на дневниот центар е за 20 деца иако засега има околу 10 деца кои ќе го посетуваат, при што се заблагодари и на министерот за труд и социјална политика и на Владата на Република Македонија за отворање на дневниот центар.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево