„В џеб, ако нема каде друго!“ - акција за чистење на Градскиот парк во Скопје
Група млади луѓе, организирани од Движењето за едукација и унапредување на дијалогот ЛЕАД, денеска ќе спроведе акција на чистење од отпадоци во Градскиот парк во Скопје, под мотото „В џеб, ако нема каде друго!“. Акцијата ќе почне во 17 часот, а собирно место е Фонтаната во Градскиот парк.
Организаторите ги повикуваат граѓаните на Скопје да се приклучат на акцијата. Неколку формални и неформални групи, како и поединци, веќе најавиле дека ќе бидат дел од акцијата.
Ова ќе биде првата од планираните седум акции за чистење на разни делови на Скопје и околината, во наредните седум месеци.
Со оваа акција започнува втората фаза на Преоктот „В џеб, ако нема каде друго!“. Првата се реализираше на Водно во текот на минатата година.
Покрај расчистувањето на локациите, акцијата има за цел и да ја подигне јавната свест кај граѓаните за зачувување на животната средина. За таа цел, групата активисти ќе носи маици со слоганот „В џеб, ако нема каде друго!“. Исто така, акцијата овозможува младите од различни етнички заедници да работат заедно и да се дружат.
Проектот „В џеб, ако нема каде друго! е поддржан од Програмата Цивика Мобилитас, што ја спроведуваат НИРАС од Данска, Македонскиот центар за меѓународна соработка и Шведскиот институт за јавна администрација СИПУ.
Ново на Сител
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто