Ужас во Кичево: Запалена жена на Китино кале, идентитетот непознат

Вчера околу 15,50 часот во Кичево на ул.„29 Ноември“ во делот на „Китино кале“, случаен минувач забележал женско тело како гори. Од страна на екипа од противпожарната единица од Кичево излезено било на местото на настанот и изгаснато со апарат за гасење на пожар.

 

Лекар од Општа болница-Кичево констатирал дека телото било изгорено и дека не давало знаци на живот. Увид на местото на настанот извршиле ЈО и увидна екипа од НККР-Кичево. По наредба на ЈО телото е предадено за обдукција. Се утврдува идентитетот на лицето и се преземаат мерки за целосно расчистување на настанот.

 

Ова е втор инцидент на Китино кале овој месец. Претходно охриѓанец на ова место кај спомен костурницата „Китино Кале“ во Кичево, ограбил и претепал проститука, откако претходно „уживал“ и платил на нејзините сексулани услуги.