Утре почнува 61-от круг прелиминарни контакти меѓу Грција и Турција
По пауза од речиси пет години, утре во Истанбул почнува 61-от круг од прелиминарните контакти меѓу Грција и Турција, а ставот на официјална Атина е дека прашањата што се однесуваат на одредување на ексклузивната економска зона и континенталниот гребен во Егејското Море и Источниот Медитеран, се единствените теми за кои разговара Грција, а во никој случај не се разговара за демилитаризација на островите, јави дописничката на МИА од Атина.
Станува збор за неформални контакти, а не за преговори, нема обврзувања меѓу двете страни, нема договорен записник, не присуствува трета страна и нема информирање за содржината на разговорите, а целта е доколку има поклопување на ставовите во иднина евентуално би се одржале преговори.
Министерот за надворешни работи на Грција Никос Дендиас во интервју за весникот „Ефимерида тон синдактон“ вели дека доколку нема договор во преговорите кои би можеле да следат по прелиминарните контакти, двете страни ќе треба да се согласат за заеднички текст што во продолжение би се доставил до Меѓународниот суд во Хаг.
– Сакам да потенцирам дека во прелиминарните контакти не се разговара за прашањето за демилитаризација на островите. Не се разговара за прашање што се однесува на националниот суверенитет. Ние во контактите доаѓаме со добра волја, со конструктивен дух и главно, не провоцираме. Не посакуваме ескалација, ниту се обидуваме да ги поткопаме, на еден или друг начин прелиминарните контакти. Напротив се надеваме дека овие контакти можат да доведат до деескалација, објаснува Дендиас и изрази надеж дека и турската страна на разговорите ќе дојде со ист дух.
Во однос на тоа кога би можело да има средба со неговиот турски колега Мевлут Чавушоглу, шефот на грчката дипломатија вели дека „кога околностите ќе го дозволат тоа и кога ќе има соодветна клима за една таква средба да биде конструктивна“.
Последниот круг прелиминарни контакти меѓу Грција и Турција беше одржан во март 2016 година.
Ново на Сител
-
Свечља: Вучиќ ќе биде затворен ако се обиде без дозвола да влезе во Косово
-
ИНСТАТ ја коригираше грешката, на прегледот за пописните резултати напиша Македонци
-
До 14 часот на изборите за нов лидер на СДСМ гласале 28,61 отсто од регистрираните избирачи
-
Мицкоски на средба со Перински и Димитриеска Кочоска: Со ребаланс на буџетот ќе обезбедиме 250 милиони евра за инфраструктурен развој на општините
-
Бериша: Албанија нема повеќе од 1,4 милиони население
-
Од вторник повторно нестабилно време со пороен дожд и грмежи
-
Дачиќ: Синагогата во Белград е можна првична мета на терористичкот напад во Белград
-
Северна Кореја: Односите меѓу Јужна Кореја, САД и Јапонија се развија во азиска верзија на НАТО