Утре до пладне ќе се знае дали Македонија добива датум за преговори со ЕУ

Се прават последни дипломатски напори Македонија да добие датум за почеток на преговорите со ЕУ. Државниот врв ќе лобира до последен момент, за позитивна одлука на седницата на Европскиот совет во Брисел. Ова го изјави претседателот Стево Пендаровски, напоменувајќи дека не сака да верува дека земјава ги загубила шансите за почеток на пристапните преговори.

Дали Македонија ќе добие задоволителна формулација од Брисел ќе се знае утре попладне, кога официјално ќе биде соопштена конечната одлука на лидерите на земјите членки на Унијата. И во случај на негативна одлука, како што напомена Пендаровски, Европа и нашето интегрирање останува единствена опција.

Горан Симоновски