uTorrent наскоро ќе наплаќа за своите услуги на клиентите

uTorrent, најраспостранетиот од сите софтвери за P2P споделување на содржини, сака да ги зголеми своите приходи, а оваа цел може да ја постигне преку наплатување за употреба на својот софтвер.

 

Досега се финансираше преку реклами и пакет софтвери, но откако тој начин стана нестабилен, тие почнаа да бараат нови начини да заработат пари.

 

Една од опциите е дека за корисниците бесплатна ќе остане само основната верзија, додека за останатите ќе мора да платат. Иако од компанијата тврдат дека тоа нема да биде голема сума, тоа не ги смирува корисниците, дел од нив се бесни, а некои и разочарани поради оваа најава.

 

Своето незадоволство го изразија на форуми, а некои од нив се толку лути што размислуваат да се префрлат на друг софтвер.