Уште посилна конкуренција за македонските надежи во Б дивизијата

Младата кошаркарска репрезентација на Македонија до 20 години, заврши како седмо пласирана во Б дивизијата на Европското првенство кое се одржа во Унгарија.

 

Можеби, можеа и повеќе, доколку не беа проблемите со вирусите кои ги задесија неколкумина избраници на селекторот Малинков кој пак на располагање имаше десетмина, а не 12 играчи. 

 

Сега може да жалиме за пропуштеното, но јасно е дека и догодинина Македонија ќе игра во втората по дивизија. 

 

Таку пак конкуренцијата ќе биде уште поголема, бидејќи од елитната конкуренција испаднаа: Русија, Хрватска, Грција, Велика Британија, БиХ, Бугарија и поразениот од баражот меѓу Словенија и Полска.