Уште 22 волонтери од охридската болница добија решенија за вработување

Последната група од 22 волонтери во охридската Општа болница денеска ги добија решенијата за трајно вработување.

Со денешните решенија за трансформација од привремен во траен работен однос вкупно 76 лица кои како волонтери подолг временски период работеа како лаборанти, медицински техничари, хигиеничари, болничари и возачи во охридската болница веќе се редовно вработени и обезбедуваат примарна егзистенција.

Според директорот на ЈЗУ „Општа болница“ од Охрид Љубен Арнаудов, изминатите неколку месеци во општата болница во Охрид направени се повеќе вработувања, а во тек се и дваесетина специјализации.

- Имаме дваесет и тројца лекари што се на специјализација, а веќе се примени и двајца специјалисти. Станува збор за триесеттина нови лекари што се примени во болницата што е бројка за респект. Утре завршува конкурсот за нови три лекари три емдицински сестри една акушерка и еден лаборант, изјави Арнаудов.