Ураганот „Кирк“ пристигнува во Европа
Кон Европа се движи ураганот „Кирк“, кој најверојатно ќе предизвика штета и нарушување во делови од Европа кога ќе пристигне оваа недела.
-„Кирк“ првично беше моќен ураган, кој се движеше помеѓу Бермудите на Карибите и Азорските Острови во централниот дел на Атлантикот во текот на викендот. Накратко стигна до категоријата 4 на скалата Сафир-Симпсон. Сега ќе остане многу силен бидејќи ќе се развие во моќна атлантска бура каква што често ја гледаме над Северен Атлантик и Западна Европа во текот на есента и зимата, објаснува метеорологот Ларс Ловински.
Приближувајќи се кон европското копно, „Кирк“ најверојатно од денеска ќе почне да влијае на северна Португалија и северозападна Шпанија. Можни се многу силен ветер и пороен дожд пред да пристигне.
-Главниот појас на силни ветрови ќе помине рано денеска, со ветер меѓу 100 и 130 км/ч, а можеби и до 145 км/ч на повисоките области, вели Ларс.
Проблеми се очекуваат и во Франција, Германија, Швајцарија, Белгија…
„Кирк“ најверојатно ќе предизвика значителни последици поради силните ветрови и обилните дождови во споменатите региони. Се очекуваат штети на дрвја и покриви, прекини на струја, блокирани патишта и железнички линии“, објаснува Ларс.
Обилните дождови може да предизвикаат и поројни поплави и поплави на реките, а во најлош случај и лизгање на земјиштето во планинските области. Синоптичарите велат дека „Кирк“ би можел да донесе неколкучасовен силен дожд и силен ветер и во делови од ОК – но сè уште не е јасно колку точно ќе бидат силни.
Ново на Сител
-
Германски генерал: Украина оштети 10 отсто од руските стратешки бомбардери
-
„Куќи на ужасот“ – евакуирани 75 стари лица од нелегални домови во Бугарија
-
Македонија загуби од Финска на отворањето на Златната лига 2025
-
Путин потпиша закон со кој се казнува продажба на енергетски пијалоци на деца
-
Тешка несреќа на патот Скопје-Тетово загина 19-годишна девојка и 3 лица се повредени
-
На српските навивачи нема да им биде дозволено да присуствуваат на натпреварот со Албанија
-
Приведени три лица во Тетово и Гостивар затоа што управувале возила под дејство на алкохол
-
Најтежок руски напад врз градот од почетокот на војната