УНХЦР бара од Словачка истрага за ранувањето на Сиријката

Високиот комесар на Обединетите нации за бегалци (УНХЦР) побара денеска од словачката Влада да го истражи инцидентот во кој словачките цариници со куршум во грб раниле жена од Сирија, кога отвориле оган кон автомобил, со кој патувале илегални мигранти на патот од Унгарија кон Словачка. 

Регионалниот портпарол на УНХЦР во Будимпешта, Бабар Балох изјави дека истрагата е неопходна за да се утврди одговорноста. 

Тој додаде дека 26-годишната Сиријка е надвор од животна опасност, но и оти и натаму е на Одделените за интензивна нега. 

Полицајците вчера во раните утрински часови запреа четири патнички возила од Словачка во Унгарија и отворија оган кога еден возач сакал да побегне.