Унгарската полиција употреби солзавец против мигрантите на границата

Унгарската полиција употреби солзавец против стотици мигранти, кои ја пробија оградата од бодликава жица на границата со Србија. 

Полицијата ја спречи групата, која кон полицајците фрлаше пластични шишиња со вода. Нема информации за настрадани лица. 

Мигрантите кои доаѓаат од српскиот пограничен град Хоргош останаа пред граничниот премин спроти полицискиот кордон. Унгарската полиција таму распореди и водени топови. 

Претставник на унгарските власти соопшти дека на тој граничен пункт се распоредени над сто полицајци од сили за борби против нереди.