Свет
7. September 2016 - 21:04

Унгарска снимателка е обвинета за минатогодишниот напад врз мигранти

Покренато е обвинение за унгарската снимателка Петра Ласло, која минатата година е снимена како удира и турка мигранти близу до границата со Србија, јави БТА. 

Подоцна, Ласло се извини за дејствијата и се обиде да се оправда. 

Таа беше уловена од камерите на телевизијата „Ен Ти Ви“, и потоа видеото беше објавено на социјалните мрежи. 

Ласло изјави дека нападот го извршила во паника. Таа се почуствувала нападната, откако бегалците и мигрантите пробиле низ полициската ограда близу до нејзината позиција. 

На снимката се гледа како Ласло турка момче и девојче, и потоа се обидува да препне маж.

Таа за рускиот весник „Известија“ изјави дека животот и е уништен и планира да се пресели во Русија.