Украинската СБУ упаднала во Киево-печерската лавра, митрополитот Павел ставен до домашен притвор
Игуменот на манастирот на Киевско-печерска лавра, во главниот град на Украина, митрополитот Павел, е ставен во домашен притвор.
-Ме пратија во домашен притвор, вели тој во видеото што го објави медиумот Вести, пренесе Хина.
Информацијата се уште не е официјално потврдена.
Украинската Служба за безбедност (СБУ) претходно соопшти дека митрополитот Павел е осомничен за поттикнување раздор и работа за Русија. Припадници на СБУ ја пребаруваат неговата резиденција, пишува руската агенција Тасс.
Извор од полицијата за украинскиот медиум Лига.нет потврдил дека митрополитот е осомничен за „поттикнување меѓуверска омраза и оправдување на вооружената агресија на Русија“.
Денешните настани уследија по одлуката на митрополитот Павел и другите членови на Украинската православна црква на Московската патријаршија, поддржана од Русија, да останат во стариот манастир во Киев и покрај повиците на украинската влада да си заминат.
Неколку дена откако украинското Министерство за култура издаде соопштение во кое ги повика свештениците на Киевско-печерската лавра да го напуштат манастирот до 29 март, Московската патријаршија соопшти дека нема намера да го напушти објектот, пишува „Киев Индипендент“.
Ново на Сител
-
Тема на денот со доктор Катерина Мирчовска, директор на кочанската болница
-
Со владиниот авион ќе бидат евакуирани македонците кои се наоѓаат во Израел
-
Трет ден конфликт меѓу Израел и Иран, Трамп и Путин ја оценија состојбата како „многу алармантна“
-
Кочани на приоритетната листа за министерот за здравство - Алиу вели дека нема да оперира, туку ќе менаџира со системот
-
Процесот на рехабилитација на повредените во пожарот во Кочани е долг, скап и макотрпен
-
Обвинителството им стои на располагање на семејствата на жртвите
-
Зајкова бара собраниска седница зад затворени врати за престојниот НАТО Самит
-
Откриени 5 гробници издлабени во камен на локалитетот Крклари дел од заштитеното подрачје Маркови Кули