Украина: Руските сили почнале офанзива во Доњецк

Генералштабот на украинската армија денеска соопшти дека руските сили почнаа голема офанзива во регионот Доњецк, источна Украина.

– Непријателот спроведува офанзивна операција во правец на Бахмут и Авдивка во регионот на Доњецк. Целта на притисокот е да се позиционираат руските сили за напад врз Соледар и Бахмут и да ја прошират руската контрола западно од градот Доњецк, се наведува во извештајот на ГШ на украинската армија.

Во извештајот на ГШ се наведува дека нападот на руските сили кај Бахмут бил неуспешен и дека борбите продолжуваат на приодите кон Авдивка, северно од градот Доњецк.

Соледар и Бахмут се дел од одбранбената линија источно од големите градови Славјанск и Краматорск, каде пред војната живееле повеќе од половина милион луѓе. Тоа е последниот регион, што сè уште е под контрола на украинските сили во поширокиот источен регион Донбас.