Укината забраната за камиони преку Стража и Пресека
Од 9:45 часот изутрина е укината забраната за сообраќај за тешки товарни возила на патниот правец Гостивар – Кичево преку планински превој Стража, а на патниот правец Кичево - Охрид преку планинскиот превој Пресека е укината во 09:50 часот, соопшти Автомото сојузот на Македонија (АМСМ).
Снежните врнежи што ја зафатија Македонија го отежнуваат сообраќајот на повеќе патни правци. Патниот правец Македонски Брод - с.Здуње на кој гравитираат 11 села, не е прооден за секаков вид сообраќај.
Сообраќајот на другите патишта низ државата се одвива тековно во зимски услови по влажни коловози, со остатоци од кашест снег на коловозот.
Врнежи од снег со променлив интензитет се бележат низ цела територија на Македонија.
АМСМ препорачува исклучително внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е почеста појава на одрони, особено на патните правци: Кочани - Македонија Каменица - Делчево, Виница - Берово, Гостивар - Стража, Маврово - Дебар - Струга, Демир Капија - Удово, Катланово - Велес, Крушево - Демир Хисар и Ресен - Буково.
Интензитетот на сообраќај на патните правци надвор од градските средини е умерен.
На граничните премини нема подолги задржувања за влез и за излез од државата. Оваа информација се однесува за македонската страна на премините.
Авионскиот и железничкиот сообраќај засега се одвиваат без застои.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување