УХМР: Можно излевање на реките
Опасноста од локални излевања на Треска, Црна Река и Вардар и нивните притоки и натаму останува во горните текови, како и на Пчиња, Сатеска, Голема Река и други реки главно во западниот дел од државата. Потврдени излевања има во горниот тек на Црна Река во атарот на селата Граиште, Единаковци, Света и Бучи, информира Управата за хидрометеоролошки работи (УХМР).
Поради појавата на високи водостои и излевања од УХМР предупредуваат на внимателно движење покрај реките и суводолиците, особено во делови од Западна Македонија.
- Поради заситената почва со влага има појави на заезерувања. Одмрзнувањата на теренот и неговата заситеност со влага може да предизвика појави на одрони и свлечишта, велат од УХМР и додаваат дека нивните висински метеоролошки станици укажуваат на понатамошно намалување на снежната покривка во Маврово, Крушево, Лазарополе, Пожаране и Ѓуриште.
Топењето на снегот, заедно со врнежите од дожд во изминатотот деноноќие, потенцираат, условува постојан дотек на вода во суводолиците и реките.
Водостојот на Треска кај Македонски Брод во 11 часот изнесува 219 сантиметри, на Црна Река кај Новаци 250, Боротинско Блато кај Боротино 280, Вардар кај Јегуновце и Радуша по 196, Пчиња кај Катлановска Бања 184, Голема Река кај Ресен 153, Сатеска кај Ботун 124 и на Радика на мернотоместо кај Бошков Мост 132 сантиметри.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари