Убедливи победи за Македонија на олимпијадата во Ченаи

Во Индискиот град Ченаи започна 44. Шаховска олимпијада со учество на две македонски селекции кои на стартот забележаа убедливи победи. 

Шахистите предводени од искусниот Звонко Станојоски кој настапува на првата табла убедливо со 4-0 ја совладаа селекцијата на Бермуди. Покрај Станојоски со победи настапија уште и Лазов, Николовски и Велјаноски. 

Дамите пак ги одмерија силите со селекцијата на Габон и славеа со 4-0 во состав Стојковска, Манова, Николовска и Ефтовска.