Убедлив триумф на Ајнтрахт во Бремен

Андре Силва го постигна својот четврти гол по рестартот на Бундеслигата за да ги предводи Ајнтрахт Франкфурт до 3:0 победа на гостувањето кај Вердер Бремен, рушејќи ги надежите на домаќините за излегување од зоната за испаѓање.

 

Португалецот Силва, кој дојде во Бундеслигата од Милан, го отвори резултатот во 61. минута по асистенција на Филип Костиќ, пред Штефан Илзанкер во 81. минута и 90. минута да ја потврди победата со која Ајнтрахт скокна на 11. место на табелата со 35 поени.

 

За Вердер пак, ова е разочарувачки финиш на низата на три натпревари без пораз, и тие остануваат претпоследни во Бундеслигата со 25 поени, три поени од 15-пласираниот Мајнц.