Македонија
2. December 2018 - 9:31

„Убави сме, свои сме“ втор пат во Струмица

Во Струмица денеска втор пат ќе се одржи модна ревија под мотото „Убави сме, свои сме“ на децата со попреченост. Манифестацијата ја организира Здружението „Вера“ од Струмица.

Претседателката на Здружението „Вера“ Анче Туфекчиева изјави дека годинава на модната ревија место 15 учествуваат 30 деца.

Модната ревија се одржува по повод Светскиот ден на лицата со попреченост, 3 Декември. Секое дете на модната писта во хотелот „Вила Парк“ во Струмица ќе го предводат познати лица од политиката, спортот и естрадата од Струмица и Македонија.