Уапсен малолетник во Црна Гора кој се заканувал со масовни убиства во училиште
Црногорската полиција уапсила 17-годишен тинејџер кој на адресата на средното електротехничко училиште во Подгорица испратил мејл со закана за повеќекратни убиства.
Полицијата извршила претрес во неговиот стан, каде биле пронајдени 20 оружја „ерсофт“. По наредба на државниот обвинител во Основното државно обвинителство во Подгорица, малолетникот е лишен од слобода поради сомнение дека сторил кривично дело предизвикување паника и неред.
Се сомнева дека малолетникот испратил заканувачки мејл на адресата на училиштето на 15 март, односно во петокот.
По наредба на надлежен суд, полицијата извршила претрес во станот и другите простории што ги користел овој малолетник, при што во таа прилика биле пронајдени 20 парчиња оружје „ерсофт“ (реплики на оригиналното оружје), од кои две се предмет на кривично дело. Од малолетникот биле одземени и компјутер и мобилен телефон.
Службеници на Полициската управа ќе поднесат прекршочна пријава за занемарување на дете против А.С, татко на осомничениот малолетник, поради паника и неред што го предизвикал малолетникот со испраќање заканувачки мејлови.
-Имајќи ги предвид континуираните настани, во кои мета на сајбер активности беа, меѓу другото, образовните институции, ја информираме јавноста дека службениците на Полициската управа континуирано ќе ја продолжат истрагата за овие криминални активности со посебен фокус и внимание, преку расположливите капацитети, со цел заштита на општествената заедница, соопшти црногорската полиција.
Ново на Сител
-
Од понеделник нема да возат приватните превозници во Скопје
-
Трнливиот пат и бурите од Пакистан до Македонија на бегалецот Алириза Куреши
-
Прилепчани со велосипед од Цирих
-
Тема на денот со Сара Миленковска
-
Енергетски колапс: Црна Гора, Босна и Херцеговина и Албанија со часови без струја
-
Пеколни горештини - Пијте вода, внесувајте електролити, контролирајте го притисокот апелираат лекарите
-
Шетаат змии низ Скопје: Две лица за една недела завршија на Инфективна
-
Таравари во понеделник ќе ги разреши економските директори на здравствените установи