У20: Македонските кошаркари убедливо ја совладаа Бугарија на ЕП во Скопје
Македонската машка кошаркарска репрезентација до 20 години е на чекор од пласман во четвртфиналето на Европското првенство во Б дивизијата кое се одржува во Скопје, откако вечерва ја совлада Бугарија со 83-54 во рамки на групата А.
Бугарија, која забележа три победи во воведните три натпревари, беше во предност по првата четвртина со 18-15, по што македонските кошаркари целосно доминираа на паркетот во СРЦ Кале и веќе на полувреме заминаа со предност од 40-33.
Сите дилеми околу победникот беа решени во третата четвртина по која црвено – жолтите стекнаа недостижна предност од 64-45 и рутински го приведоа натпреварот до самиот крај.
Најефикасен во македонските редови беше Теодор Симиќ со 21 поени.
Во завршното четврто коло во рамки на групата А, македонските кошаркари утре со почеток од 18:30 часот ќе играат против Република Ирска и со победа ќе го заверат пласманот во четвртфиналето.
Ново на Сител
-
ДСЗИ во вонреден надзор во кумановската болница, Обвинителството ја чека обдукцијата на 31-годишната родилка
-
Родова или полова рамноправност - Дали е сеедно?
-
Пензионерите утре ќе добијат повисоки пензии за 2,500 денари
-
Лицата со попреченост и личните асистенти во сабота на протест - Државата ги остави без пари
-
Нивото на Охридското Езеро постојано осцилира
-
За еден ден домаќинките од Општина Босилово подготвија 220 килограми ајвар
-
Преглед на вести од светот
-
Пo 50 години конзервација на мозаиците на локалитетот Стакина чешма во Валандово