Туск за спорот со Грција: Невозможното станува возможно
Невозможното станува возможно е оценка на претседателот на Европскиот совет Доналд Туск во однос на процесот за решавање на спорот за името меѓу Македонија и Грција.
- Минатата година слушнав дека е невозможно да се реши ова прашање, но сега сте блиску до успех, рече Туск, на заедничката прес-конференција на лидерите од Процесот Брдо-Бриони, одговарајќи на новинарско прашање.
Нагласи дека кога Северна и Јужна Кореја успеале да ги приближат ставовите, сигурен е дека ќе дојде до помирување на несогласувњата во регионот.
Изрази задоволство од видливиот напредок во преговарачкиот процес и напомена оти тоа во голема мера се должи на напорите што ги вложува македонската страна.
Во врска со членството на земјата во ЕУ, откако ќе се реши спорот, рече дека земјава ја има целосната негова поддршка на тој пат.
Сепак, додаде дека за тоа е потребна консензуална одлука во Советот.
- Ако сте успешни во решавањето на сложеното прашање за името, тоа ќе биде охрабрување за вашите партнери во Атина, за сите ваши граѓани. Тоа ќе биде најдобар симбол за успех во регионот, рече Туск.
Иванов, одговарајќи на новинарско прашање за името, рече дека не бара арбитража, преговорите веќе се водат во ОН, туку инстирира на паралелно водење на процесот за решавање на спорот и процесот на преговори за влез во ЕУ.
- Кога ги почнуваме преговорите се европеизираме, нам ни е ускратено правото да се европеизираме. Поради таквите блокади се соочуваме со политички кризи, додека другите напредуваат, додаде Иванов.
Ново на Сител
-
ИК на ВМРО-ДПМНЕ вечерва дискутира за предлог-кандидатите за градоначалници за локалните избори
-
Мицкоски: Македонија во силно сојузништво со Обединетото Кралство, промените се случуваат
-
Платини го брани Мбапе: Не го терајте да игра како Меси
-
Започнува продажбата на билети за Македонија - Белгија
-
Јунајтед исвиркан во Куала Лумпур, Аморим вели тоа може да биде корисно
-
Николоски по ратификацијата на договорот: Ќе ја направиме Македонија подобро место за живеење
-
Трамп вели дека го предупредил Нетанјаху да не го напаѓа Иран
-
Малолетник приведен за пет тешки кражби