Турските сили усмртиле околу 1000 бунтовници во југоистокот на земјата
Околу илјада курдски борци се ликвидирани при операциите на турската армија во областа на градовите Нусајбин и Шарнак во југоисточна Турција, каде што последната година се разгоре конфликтот со Курдската работничка партија (ПКК), соопшти Генералниот штаб на турските воени сили, за НТВ, пренесе ДПА.
„Подлите напади против силите за безбедност и нашите невини граѓани го добиваат и ќе продолжат да го добиваат најрешителниот одговор", посочуваат вооружените сили во соопштението објавено на нивната официјална веб-страница.
Армијата нагласи дека при операциите во Нусајбин, во округот Мардин, досега се убиени 495 терористи и уништени 1256 упоришта. Во Шарнак пак, се ликвидирани 505 терористи и уништени 1566 упоришта.
Југоистокот на Турија, којшто е претежно населен со Курди, беше зафатен од судири кои можат да се оквалификуваат како најжестоките во последните две десетилетија, откако изгледите за примирје меѓу државата и ПКК јуни минатата година целосно пропаднаа.
ПКК се смета за терористичка организација од Европската Унија, САД и Турција.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата