Турски авиони повторно го нарушија грчкиот воздушен простор
Два турски борбени авиони денеска навлегоа во грчкиот воздушен простор меѓу Лезбос и Лемнос и летаа над островите Фурни на висина од 8.900 стапки.
Инцидентот се случил во исто време кога грчкиот претседател Прокопис Павлопулос со хеликоптер бил во посета на островите во овој дел на Егејското Море.
Ова нарушување на грчкиот воздушен простор се случува еден ден откако Турција се вмеша во радио врската на воените хеликоптери кои го превезуваа Павлопулос на неговата турнеја по грчките острови.
Според грчки воени извори, пилотите што летале со хеликоптерите „Чинук“ и „Хуи“ добиле пораки од турските вооружени сили дека летаат во демилитаризирана зона каде што се забранети такви летови. Како што е вообичаено во такви случаи, грчките пилоти не реагирале на повиците од турската страна.
Нарушувањето на грчкиот воздушен простор од страна на турски авиони не е реткост, но за овој пат се верува дека вчерашните пораки се индиректен одговор на неодамнешните коментари на Павлопулос за Турција, коменитраат грчките медиуми.
Ново на Сител
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО
-
ВИ: „Мона Лиза“ рапува