Балкан
8. December 2015 - 12:39

Турската полиција уапси 18 лица под сомнеж за поврзаност со Фетхулах Ѓулен

Турската полиција уапси 18 лица за кои постои сомнеж дека се поддржувачи на исламскиот проповедник Фетхулах Ѓулен, кој е непријател на претседателот Реџеп Тајип Ердоган.

Меѓу приведените има и високи полициски службеници, откако претходно биле издадени наредби за апсење на 27 полицајци. Операцијата се извршува во 13 окрузи, меѓу кои и Истанбул.

Според некои турски медиуми, акцијата била насочена против поранешни полициски службеници, вклучувајќи и полициски началници.

Минатиот месец беа уапсени неколку високи полициски и државни службеници при операција во градот Измир. Притворените биле осомничени за поврзаност со наречената од Обвинителството „ѓуленистичка терористичка група“.