Турската крајбрежна стража пресретна чамци со мигранти
Турската крајбрежна стража соопшти денеска дека пресретнала околу 60 мигранти во чамци во Егејското Море меѓу Турција и Грција.
Мигрантите, меѓу кои имало и Сиријци, се доведени во станица на крајбрежната стража во провинцијата Измир во западна Турција.
Европската унија оваа недела почна да ги враќа мигрантите назад во Турција во рамки на договорот со официјална Анкара, кој има цел да се ограничи неконтролираниот прилив на бегалци и мигранти во Европа.
Во Турција во понеделникот од грчките острови Лезбос и Хиос се испратени 202 мигранти од 11 земји. Истиот ден турската крајбрежна стража во Егејското Море пресретна 155 мигранти. Истовремено, повеќе десетици Сиријци, кои се наоѓаа во Турција, беа префрлени со авиони во Германија, Финска и Холандија.
Во согласност со договорот меѓу ЕУ и Турција за секој мигрант кој ќе биде вратен од ЕУ во Турција, Унијата треба да прими еден Сириец од Турција.
Ново на Сител
-
ТАВ Македонија: Нашиот вработен не се обиде да и го одземе телефонот на косовската претседателка Османи
-
Повреден пожарникар од Струмица при гаснење пожар
-
Претрес во Скопје, пронајдена дрога
-
Трамп: Ќе поднесам оставка доколку моето здравје се влоши за време на функцијата
-
Мицкоски: Илинден е историска вистина и нашиот најсилен повик за акција и единство денес
-
ОЈО поведе истрага за убиство во Батинци, полицијата трага по сторителите
-
Турција го блокираше пристапот до Инстаграм
-
Во Крушево почна одбележувањето на 2 Август