Турска артилерија учествува во операциите за ослободување на Мосул, тврди „Ал Џезира"

Турска артилерија учествува во операцијата за ослободување на ирачкиот град Мосул од борците на терористичката група „Исламска држава", соопшти телевизијата "Ал Џезира", која се повикува на ирачки воени извори.

Пред тоа, турскиот премиер Бинали Јилдирим изјави дека нема потреба Турција активно да учествува во копнената фаза на операцијата за ослободување на Мосул.

Копнената воена операција започна на 17 октомври. Вкупниот број на активираните во неа копнени сили е околу 60.000 луѓе. Покрај владините трупи, во операцијата учествуваат антитерористички единици, соработници на федералната и локалната полиција, курдски одреди Пешмерга, шиитски волонтерски единици и локални сунитски племиња.