Турција забрани четири странски хуманитарни организации

Турското Министерство за внатрешни работи ја забрани работата на четири меѓународни невладини организации, поради сомнеж за активности што ја загрозуваат националната безбедност, јави весникот „Хуриет дејли њуз".

Mинистерството ги одбило барањата за обновување на дозволите за работа на четири невладини организации, меѓу кои и организацијата „Корпус на милосрдието“ (Mercy Corps). 

Турскиот вицепремиер Вејси Кајнак за агенцијата Анадолија изјави дека имал средба со претставници на ОН, ЕУ и со амбасадорот на САД во АНкара, кои сакале да се информираат за причините за ваквата одлука на властите.