Турција во јуни на ЕУ ќе и го даде „последниот предлог“ за спогодбата за мигрантите

Турскиот министер за надворешни работи Мевлут Чавушоглу изјави дека неговата земја во јуни на ЕУ ќе и го даде „последниот “ предлог во врска со спогодбата за реадмисија на мигрантите.

Чавушоглу, цитиран од весникот „Акшам“, посочи дека во предлогот ќе биде изложено и гледањето на Турција за тоа како да се надмине прашањето со барањата визи за турските државајни кои патуваат во ЕУ.

- Во јуни ние на ЕУ ќе и го дадеме нашиот последен предлог за прашањето за укинување на визите за турските државјани во европските држави, рече Чавушоглу.

„Ќе оцениме како да го продолжиме процесот од тука натаму и со сите Вас ќе ги споделиме одлуките кои ќе ги донесеме. Треба да ја добиеме оваа визна либерализација. На крајот на краиштата, таа е дел од спогодбата за запирање на миграцијата, што ја потпишавме“, додаде тој.