Турција упати протестна нота до Холандија поради случувањата во Ротердам
Турција денеска на холандскиот дипломатски претставник во Анкара официјално му вреачи нота со која протестира поради акцијата на полицијата во Ротердам против „турските демонстранти во текот на изминатиот викенд“.
Како што соопшти турското Министерство за надворешни работи во дипломатската протестна нота се истакнува дека полициската интервенција била несразмерна и се бараат правни мерки поради неприменото однесување на полицајците.
Холандската полиција вчера употреби кучиња и водени топови за растерување на неколкуте стотици демонстранти, кои носејќи турски знамиња, се собраа пред Конзулатот на Турција во Ротердам за да протестираат поради забраната на холандските власти за учество на турски министри на собири на Турците во градот.
Очевидци на настанот тврдат и дека полицајците тепале со пендреци некои од демонстрантите.
Според холандските власти, полицијата интервенирала кога демонстраните почнале да фрлаат со шишиња и камења кон полицајците.
Протестите беа организирани откако во саботата холандските власти одбија да му дозволат слетување во земјата на авионот на шефот на турската дипломатија Мевљут Чавушоглу, кој требаше да говори на митинг во Ротердам, а подоцна од Холандија беше протерана и турската министерка за семејни прашања Фатма Бетул Сајан Каја. Тие требаше да говорат на собири што ги организираат властите во Анкара со цел да ги поттикнат Турците во странство да гласаат на референдумот за уставни измени, со кои треба да се зголемат надлежностите на шефот на турската држава.
Холандските власти денеска упатија предупредување до Холанѓаните што живеат и престојуваат во Турција да внимаваат на својата безбедност, поради зголемените тензии во односите меѓу Анкара и Хаг.
- Од 11 март 2017 година меѓу Турција и Холандија постојат дипломатски тензии. Избегнувајте собири и прометни места во цела Турција, се наведува во предупредувањето.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња