Турција изрази загриженост поради коментарите на САД за нејзината воена операција во Сирија
Турција го повика американскиот амбасадор Џон Бас во Анкара, со цел да ја изрази загриженоста на Владата поради коментарите на САД за операцијата на турската војска во северна Сирија, пишува весникот „Хуриет дејли њуз“.
Американскиот министер за одбрана Ештон Картер, специјалниот претставник на претседателот на САД во коалицијата за борба со ИД Брет Мекгерк и други американски претставници ја повикаа Турција да престане да се бори со сириските курдски војници во северна Сирија.
- Ваквите изјави се неприфатливи, се вели во соопштението на портпаролот на турското Министерство за надворешни работи Танжу Билгич.
Поплаките на Турција беа предадени синоќа на амбасадорот на САД Џон Бас од страна на Феридун Синирлиоглу, заменик-министерот за надворешни работи на Турција, пишува „Хуриет дејли њуз“.
- Целите на операцијата „Еуфратски штит“ се познати. Турција ќе ја продолжи операцијата се додека сите терористички групи не бидат отстранети од турската граница и престанат да претставуваат закана за турските граѓани, нагласи Билгич.
Тој исто така ги напомена очекувањата на Турција, САД да го одржи ветувањето сириските курдски сили да се повлечат на исток од реката Еуфрат.
Ново на Сител
-
Изгласана Резолуцијата за Сребреница во ОН – 11 јули се прогласува за Меѓународен ден на сеќавање на геноцидот:
-
Тројца повредени во сообраќајка на крстосницата кај Башино Село на автопатот над Велес
-
Претседателката оствари телефонски разговор со Зеленски: Украинскиот народ може и во иднина да смета на македонското сојузништво
-
63-годишен маж демнеел женско лице од Дебар по што и го украл телефонот на работното место
-
Графитите избришани, сторителите непознати, насликана нова содржина на монументот на гостиварскиот кеј
-
Левица: Црква изградена во 1874 година настрада од минирањата на „Бехтел и Енка“
-
Потврден 30-дневниот притвор за врховнот судија Георгиев
-
110 пушки од Првата светска војна пронајдени при ископ во Старата касарна во Битола