Тројца велешани заболени од салмонела

Во текот на првите 11 дена од месецов во Велес и околината биле регистрирани 32 лица со дијареја и повраќање, а кај тројца од нив е потврдено присуство на бактеријата салмонела.
Ова го изјави Билјана Трајкова, епидемиолог од ЈЗУ Центар за јавно здравје во Велес, која рече дека пациентите кај кои е потврдено присуство на салмонела меѓу другите симптоми развиваат и дијареа.
- Затоа сите лица со вакви симтоми како дијареја и повраќање треба одат на лекар за навремено лекување, потенцира Трајкова.
Таа истакна дека салмонелата се пренесува преку контаминирана храна и затоа посебно во овие летни денови храната треба добро да се мие и термички обработи и да се води сметка на хигиената посебно на рацете по одење во тоалет.
Инаку, според евиденцијата на ЈЗУ Центар за јавно здравје-Велес, во текот на јули во поширокиот велешки регион биле регистрирани 65 случаи со дијареја и повраќање и четворица пациенти кои биле затруени од храна. Од нив најголемиот број 51 биле од Велес.
Д-р Трајкова рече дека состојбата е вообичаена за овој период од годината. Таа посочи дека за разлика од пред пет шест години кога имало и до 700 случаи на пациенти со ентероколити и помал број на труења со храна.
- Бројката на пациенти со вакви симптоми сега е повеќепати намалена, а тоа се должи на поголемата грижа на граѓаните за здравјето, одржувањето лична хигиена, како и за храната. Засилените санитарни инспекции на сендвичари и пицерии, и построгите казнени мерки повеќекратно ги намали ваквите случаи со салмонела, труења со храна и ентероколити. Но, тоа не значи дека граѓаните не треба да бидат претпазливи што и од каде консумираат храна и како ја подготвуваат во своите кујни, потенцира д-р Трајкова.
Ново на Сител
-

Си-ен-ен: Се урна безбедносна комуникациска мрежа на американската НСА
-

Македонските млади фудбалери У17 и покрај поразот продолжуваат во елитните квалификации
-

Андоновски одржа мастерклас во Париз: Во фокусот дигиталната трансформација на јавната администрација
-

Реновираниот дом „Кузман Јосифовски-Питу“ ќе биде отворен во февруари, деновиве ќе се објави конкурс за сместување
-

Србија доби нов парламентарен состав, пратениците положија заклетва
-

50-годишен маж со огнено оружје се заканувал на сопругата со која е во бракоразводна постапка
-

Татко ја нападнал својата 20-годишна ќерка
-

Хашим Тачи осуден за попречување на правдата на 17 месеци затвор
