Тројца ракометари на РК Алкалоид дел од машката ракометната репрезентација на Македонија

Македонската машка репрезентација попладнево ќе го одигра својот прв натпревар на 15. Европско првенство. Во првото коло, во рамките на групата А, со почеток од 18:00 часот во Дебрецен, Унгарија, Македонија ќе игра против репрезентацијата на Словенија.

Tројца ракометари на РК Алкалоид – Мартин Серафимов, Кристијан Симоноски и Игор Ѓоргиев – ги минаа сите филтри на селектирање и се дел од националниот состав. Нашите ракометари, по одличната полусезона во домашното првенство и по покажаните индивидуални квалитети, добија повик да бидат дел од репрезентацијата.

Како дел од стручниот штаб на репрезентацијата се и тренерите од РК Алкалоид Бранислав Ангеловски, Билјана Црвенкоска и Петар Баснарков.

Им посакуваме многу среќа и успех на македонските репрезентативци!