Тројца повредени со нож во групна тепачка во Тетово
Во текот на денот тетовската полиција уапсила четворица жители на градот кои изминатата ноќ учествувале во тепачка во која бил употребен и нож, при што со повреди се здобиле три лица кои побарале лекарска помош во клиничката болница.
Од Секторот за внатрешни работи информираат дека повеќето настани започнале половина час пред полноќ.
-Во 3:00 часот е добиена пријавата дека неколку часови претходно на улицата 141 во близина на тетовската касарна бил нарушен јавниот ред и мир со физичка пресметка во која учествувале М.Д.(41), Д.А.(43), Ж.А.(45), А.И.(37) и Б.З.(30). Притоа, бил употребен и нож, а со повреди се здобиле лицата М.Д., Д.А. и Ж.А. и на нив им била укажана лекарска помош во тетовската клиничка болница, соопшти денеска портпаролот на СВР Тетово, Марјан Јосифовски.
Потоа во текот на денот сите четворица била најдени од страна на полициските службеници и задржани во полициската станица. Истрага ја води тетовското Јавно обвинителство и ќе се утврдуват мотивите, како и сите поединости околу физичката пресметка во која бил употребен и нож.
Ново на Сител
-
ССКМ: Фер пазарна конкуренција ќе донесе придобивки за сите
-
Лишен од слобода разбојник во струмичко Ново Село
-
Велика Британија денеска привремено пушта на слобода околу 1.750 затвореници
-
Кавадарчанка со тврд предмет ја нападнала мајка си
-
МВР: Краен рок за промена на возачките дозволи со старото уставно име е 31.12.2024
-
ЈО: Психотропни супстанции пронајдени во стан во Скопје, поведена истрага
-
Судскиот совет попладне ќе ја одржи 498 седница
-
На Попова Шапка најниска температура и најмногу дожд