Тројца кандидати ги собраа потписите за претседателските избори
Само тројца од девет кандидати ќе влезат во трката за претседател на државата на 21 април. Државната изборна комисија денеска потврди дека Гордана Силјановска Давкова, Стево Пендаровски и Блерим Река во предвидениот законски рок ги собрале потребните потписи.
– Од вкупно девет кандидати кои собираа потписи во нашите подрачни одделенија и канцеларии, најмалку 10.000 потписи што се потребни за поддршка на кандидатура собраа тројца кандидати и тоа Гордана Силјановска – Давкова, Стево Пендаровски и Блерим Река. Останатите кандидати не ги собраа потребните потписи, изјави денеска портпаролката на ДИК Љупка Гугучевска.
Силјановска-Давкова, која е поддржана од ВМРО-ДПМНЕ собрала 15.926 потписи, а Стево Пендаровски, поддржан од СДСМ, собрал 31.729 потписи. Блерим Река, поддржан од Алијанса на Албанците и движењето Беса, собрал, 11.128 граѓански потписи.
Пендаровски и Силјановска-Давкова имаат поддршка и од најмалку 30 пратеници.
Таа посочи дека тече јавниот увид во избирачкиот список, истиот е отворен за увид до 14 март до 24 часот.
Гугучевска рече дека до вчера вкупно 50.572 граѓани извршиле увид во Избирачкиот список во подрачните одделенија и канцеларии и оти се донесени 119 решенија за запишување во Избирачкиот список, 107 решенија за бришење од Избирачкиот список, како и 29 решенија за промена на податоци во Избирачкиот список.
– Апелираме до граѓаните најдоцна на 14 март да ја искористат можноста за увид во Избирачкиот список, и доколку имаат потреба, да поднесат барање за запишување, бришење или промена на податоци во нашите подрачни одделенија или канцеларии, додаде портпаролката на ДИК.
Во тек е и пријавувањето за гласање во странство, а до денеска се поднесени само 920 пријави, од кои пет се одбиени.
Ново на Сител
-
Кратери повикуваат на мобилизација за натпреварот против Македонија Ѓорче Петров
-
Велика Британија: Подготвени сме да го браниме украинското небо
-
Руд: Ѓоковиќ е најголемиот спортист на сите времиња
-
ЦУК: Од вкупно 13 пожари на отворен простор, активни се четири
-
32-годишен скопјанец осомничен за разбојништво во Бучимци
-
Украинци: На руска територија има најмалку 20.000 киднапирани украински деца
-
Со хеликоптер на Армијата исфрлени 102 тони вода врз пожарот во Јасен
-
Албанија - црн рекорд во регионот, досега опожарени 55.154 хектари земјиште