Тројца исчезнати по сообраќајка кај Блаце: Возило паднало во Лепенец

Три лица се исчезнати по страшна сообраќајна несреќа која синоќа се случила кај Граничниот премин Блаце, соопшти Центарот за управување со кризи.

Како што соопшти ЦУК,учествувале патничко возило „фолксваген“ со скопски регистарски таблички, управувано од Б.Б. од Скопје и патничко возило „бмв“ со косовски регистерски таблички, управувано од Н.П. од Косово, што по несреќата паднало во реката Лепенец. 

„Во возилото „бмв“ покрај возачот имало и тројца сопатници. Едно лице е извадено од реката и пренесено во болница - ГОБ „8 Септември“, а по останатите три лица трагаат тим нуркачи од САЕ „Тигар“ како и тим со дрон, велат од ЦУК.