Тројца холандски командоси ранети во пукање пред хотел во САД

Тројца холандски командоси на вежби во САД се ранети во престрелка пред нивниот хотел во Индијанаполис, соопшти холандското Министерство за одбрана.     

„Еден од командосите е во критична состојба“, се вели во соопштението, во кое се додава дека локалната полиција го истражува инцидентот и дека нема уапсени.

Полицијата во Индијанаполис соопшти дека пукањето се случило околу 3:30 часот по средноевропско време, а ранетите командоси биле пренесени во локалните болници.

Според полицијата, дошло до судир меѓу војниците и локалните жители, што предизвикало пукање.