Трка со времето: 2-годишно дете паднало во бунар длабок 100 метри, 6 дена не можат да го извадат
Припадниците на шпанската служба за вонредни ситуации и натаму се обидуваат да го спасат 2-годишното дете кое во неделата на пладне паднало во тесен и длабок бунар.
Детето Хулен било видено како паѓа во бунар додека со семејството шетало на приватен имот во Тоталан, кај Малага на југот на Шпанија, рекол за медиумите неговиот татко.
Спасувачите не можат да влезат во бунарот бидејќи е широк само 25 центиметри, а се верува дека е длабок повеќе од 100 метри.
Меѓу работите кои спасувачите ги извлекле од бунарот била пронајдена коса, а со ДНК анализа било потврдено дека му припаѓа на детето.
Досега не биле регистрирани знаци на живот.
Мештаните во средата организирале бдеење во знак на поддршка за семејството на детето, а многумина носеле импровизирани плакати со пораките “Цела Шпанија е покрај вас” и “Ви ја праќаме својата сила”.
Спасувачите користат камери во обид да го лоцираат детето, но велат дека пристапот е многу тежок бидејќи земјата делумно го блокира бунарот.
Шпанската полиција соопштила дека вработените во една шведска компанија, која пред повеќе од седум години помогнала да се лоцираат и да се спасат 33 чилеански рудари откако 69 дена минале под земја, пристигнале во вторникот за да помогнат во операцијата за спасување на детето.
Се разгледува и можноста за прокопување на алтернативни канали до дното на бунарот, а службениците соопштиле дека работат на копање на тунел во близина на бунарот.
Бунарот, кој е премногу тесен за во него да влезе возрасна личност, бил ископан пред еден месец, во текот на работата за истражување на вода, а после тоа не бил покриен ниту заштитен, наведуваат локалните медиуми.
Претходно било соопштено дека пожарникарите со помош на камери во понеделникот пронашле кесичка со бомбони, која детето ја држело во раката кога исчезнало.
Кесичката била најдена на длабочина од 75 метри, а спасувачите не можеле да ја спуштат опремата пониско.
Ново на Сител
-
37 годишник го запалил мостот „Беласица“, лежи во затвор за тешка кражба
-
Во март пониски увозните цени од одделот Кокс и рафинирани нафтени производи
-
Камионџија од Украина пронајден починат на Табановце
-
Пленковиќ го доби мандатот за состав на нова влада на Хрватска
-
Продажните цени на производителите на индустриските производи во март пониски за 1,5 отсто на годишно ниво
-
Посебен режим на сообраќај во недела во Скопје
-
Сообраќајка меѓу три возила во Скопје: Повредени четири лица
-
Град Скопје: Премиерот од Форино кога излегува од дома до Влада ги гаси попатно сите семафори