Триумф на Победа од сомнителен пенал во Прилеп

Мечот беше решен во самиот финиш од сомнително досуден пенал кој главниот судија Мечкароски го досуди на интервенција на својот помошник Гоце Петрески поради наводно играње со рака на еден гостински играч што предизвика жестока реакција кај кратовчани кои сметаа дека оваа одлука е „ измислена“ и не сакаа да се помират. 

По неколкуминутен прекин во кој втор жолт картон и исклучување заработи домашниот играч Гешоски  пеналот го реализира Наумоски со што го прекина постот на прилепчани од 730 минути без постигнат гол. 

И во првото полувреме имаше спорен момент кога Мечкаровски не досуди најстрога казна за Силекс по стартот над Недељковиќ. 

Со овие три бода Победа се одалечи од последните две позиции кои водат директно во Втората МФЛ.