Три случаи на заболени од вирусот чикунгуниа во Италија
Три случаи на заболени од вирусот чикунгуниа, кој го пренесуваат комарците, се регистрирани во реонот на градот Анцио, педесетина километри јужно од Рим.
Според италијанските здравствени власти, станува збор за вирусна болест, проследена со силна треска и јаки болки во зглобовите.
Според лекарите болеста не се лекува, но таа мошне ретко може да биде фатална по здравјето на луѓето.
Најголемиот број од пациентите оздравуваат по неколку денови, но во некои ситуации болките може да потраат со недели, па и месеци, додека во поретки случаи болката во зглобовите трае и подолго време.
Болест е раширена во тропските предели на Источна Африка и во некои делови од Азија, но за тројцата заболени во Анцио се знае дека не престојувале во тропските подрачја, а вирусот е со локален карактер.
Болеста не се пренесува од човек на човек, но како мерка за заштита здравствените власти наредиле веднаш да се запре со крводарителството.
На 3. септември во градот Бреша, почина едно девојче како последица на церебрална маларија.
Маларијата и чикунгуниата се мошне ретки во Италија, затоа што уште во почетокот на педесетите години на 20 век, се исушени сите мочуришта и мочурливи терени, кои се легла на комарците.
Овие две болести на крвта, се пренесуваат од различни видови комарци.
Првпат чикунгуниата во Италија се појави во 2007 година, во областа Емилиа Романа, но вирусолозите засега не знаат како болеста успеала да се пресели во реонот на Анцио.
Вирусот го шират комарците од видот „aedes aegypti“, кои касаат во текот на денот. Името на болеста е од африканско потекло.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот