Три силни земјотреси ја погодија централна Италија
Серија од три силни земјотреси ја потресоа централна Италија, јави АНСА.
Првиот земјотрес со интензитет од 5,4 степени Рихтерови се случи во 10:25 часот, по локално време. Според Европскиот медитерански сеизмолошки центар, епицентарот бил на 111 километри североисточно од Рим, на 28 километри од општина Асколи Пичето и на 36 километри од градот Аквила. И двете населени места беа погодени од претходните силни земјотреси. Потресот бил на длабочина од 10 километри.
Во 11:14 часот, по локално време беше регистриран втор земјотрес со интензитет, според различни извори, меѓу 5,6 и 5,7 степени. Потресот беше на длабочина девет километри, а епицентарот во реонот меѓу општините Аквила и Риети, на 109 километри североисточно од Рим. Најблиску до епицентарот се општините Капитињно, Кампопосто, Аматриче и Кањано Амитерно.
Третиот силен земјотрес со интензитет од околу 5,5 степени регистриран е во 11:26 часот, по локално време. Епицентарот беше на 110 километри североисточно од Рим и на длабочина од 40 километри во зоната помеѓу општините Риети и Аквила.
Од безбедносни причини во Рим, каде што беа почувствувани потресите, беа евакуирани патниците од метрото.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата