Три лица убиени на плажа во Мексико
Тројца мажи се убиени, а две лица се тешко ранети, на една популарна плажа во северозападно Мексико, откако врз нив бил отворен оган од автоматско оружје, соопшти мексиканската полиција.
Сите тројца убиени се мажи, кои во моментот на нападот, се одмарале под густите палми, во Сан Хозе дел Кабо, во сојузната мексиканска држава Баја Калифорнија.
Во полициското соопштение се вели дека властите, засега, не го знаат идентитетот на жртвите, а непознат останува и мотивот зашто било пукано врз нив.
Двајцата ранети се маж и жена кои во време на инцидентот, се одморале на плажата.
Никој досега не е уапсен.
Властите потврдија дека пукањето на популарната градска плажа предизвикало паника меѓу гостите и туристите кои почнале да бегаат на сите страни, настојувајќи да најдат за себе сигурно засолниште.
Веќе подолго време, Мексико е зафатено со бран крваво насилство и бројни убиства, главно поради пресметката на разни криминални банди, најчесто врзани за шверцот на дрога.
Полицијата досега успева само да интервенира после ваквите убиства, или да присуствува при откривањето масовни гробници на жртвите на насилсвото и на бројни егзекуции.
Последно такво откритие е регистрирано во мексиканскиот планински реон Валпараисо, во северната држава Закатекас, каде се откриени искасапени тела на 14 лица- единаесет мажи и три жени.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка