Три лица повредени во сообраќајна незгода на автопатот Миладиновци-Штип

Вчера околу 04.00 часот на автопатот А4 Миладиновци-Штип, кај наплатна рампа во изградба, Б.С.(39) од Пробиштип , управувајќи патничко возило „опел зафира“, со пробиштипски регистарски ознаки, изгубил контрола и удрил во столб, информираше МВР.

Во несреќата со тешки телесни повреди се здобил возачот Б.С., додека со телесни повреди се здобиле сопатниците С.Ј.(39) и К.Р.(21), двајцата од Пробиштип, констатирани во Клиничката болница Штип.

По овластување на Јавен обвинител увид извршила екипа од Полициска станица Свети Николе.