Трето издание на манифестацијата „Охридска софра“
Во излетничкото место кај манастирскиот комплекс „Света Богородица“ кај селото Скребатно денеска по трет пат ќе се одржи туристичко-промотивната манифестација „Охридска софра“.
Манифестацијата со која симболично се означува крајот на главната туристичка сезона во Охрид, има за цел да ја промовира традиционалната охридска кујна со подготовка на локални специјалитети, меѓу кои посебно место има ѓомлезето и да ја збогати туристичката понуда.
- Во подготовка на ѓомлезето ќе учествуваат 15 мајстори за овој специјалитет. Во 11:30 часот посебна жири-комисија ќе врши дегустација на подготвеното ѓомлезе, за во 12 часот да започне официјалниот дел, кога ќе бидат прогласени победниците, информира Ѓоко Апостолов, раководителот на Секторот за туризам и локален економски развој при општина Охрид.
За трите најдобро подготвени ѓомлезиња се придвидени и парични награди, и тоа десет илјади денари за највкусното ѓомлезе, за второнаграденото 7.000 и три илјади денари за третонаграденото.
Покрај подготвувањето на ѓомлезето, како што најави Апостолов, студенти од Факултетот за туризам и угостителство, ќе приготвуваат и ќе презентираат традиционални специјалитети од охридското поднебје, Здружението на пчелари ќе има изложба на мед, претставници на „Кластерот еден“ ќе презентираат производи и аранжмани на нивните членки, а штандови со здрава храна ќе имаат претставници од манастирскиот одбор и фирмата „ Градинар“.
Манифестацијата ќе биде збогатена и со музичка програма, со настап на етно-групата „Баклава“.
За сите заинтересирани граѓани кои сакаат да бидат дел од манифестацијата организиран е бесплатен превоз. Комбиња на „Омега-транс“ ќе тргнуваат од постојката кај поранешниот „Мини- маркет“ од 10 до 11 часот, а враќањето од Скребатно е по завршувањето на манифестацијата во 14 часот
Ново на Сител
-
Почина човекот што се самозапали пред судот во Њујорк каде што се води процесот против Трамп
-
Брнабиќ: Седница за измените за локалните избори во понеделник, дел од опозицијата ги поддржа овие измени
-
Санкционирани 179 возачи во Скопје
-
Затруен од наркотици пронајден во бессознание во двор во Кавадарци
-
Затруен од наркотици пронајден во бессознание во двор во Кавадарци
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје